-
Home
- News
"සියල්ලට ම පෙර දරුවන්" තේමාව යටතේ 2021 ඔක්තෝම්බර් 01 දිනට යෙදුණු ලෝක ළමා දිනය සැමරීම සඳහා අත්තනගල්ල ප්‍රාදේශීය ලේකම්තුමාගේ මඟ පෙන්වීමෙන්, අත්තනගල්ල ප්‍රාදේශීය ලේකම් කාර්යාලයේ ළමා හිමිකම් ප්‍රවර්ධන නිලධාරීන් ඇතුලු ක්ෂේත්‍ර නිලධාරීන්ගේ සංවිධායකත්වයෙන් සෞඛ්‍ය මාර්ගෝපදේශ අනුව සංවිධානය කරන ලද කෙටි ළමා දින වැඩසටහනක් අද (01) දින කාර්යාලයීය එළිමහන් ගෙවතු වගා පරිශ්‍රයේ දී පැවැත්විණි.
මෙහිදී 2021 ලෝක ළමා දිනය නිමිත්තෙන් රජය විසින් හඳුන්වාදුන් දරුවන් අතින් කොස් පැළ 100,000 ක් සිටුවීමේ වැඩසටහනට සමගාමීව කාර්යාල ගෙවත්තේ කොස් පැළ 05ක් සහ තවත් පළතුරු පැළ කිහිපයක් දරුවන් අතින් රෝපණය කිරීම, කොව්ඩ් වසංගතය හේතුවෙන් පාසැල් වසා තිබූ සමයේ අත්තනගල්ල ළමා හිමිකම් නිලධාරීන්ගේ මෙහෙයවීමෙන් අත්තනගල්ල ප්‍රාදේශීය ලේකම් කොට්ඨාසයේ ළමා සමාජවල දරුවන් විසින් කරනු ලැබූ නිර්මාණ ඇතුළත් ග්‍රන්ථ 02ක් දරුවන් විසින් ප්‍රාදේශීය ලේකම්තුමා වෙත පිළිගැන්වූ අතර අනුග්‍රාහක භවතුන් හා කාර්යාලයීය නිලධාරීන්ගේ මූල්‍ය දායකත්වය ඇතිව දරුවන් දිරිමත් කිරීම සඳහා ඔවුන්ට ත්‍යාග පිරිනැමීම ද සිදු විය.
අද දින අත්තනගල්ල ප්‍රාදේශීය ලේකම් කොට්ඨාසය තුළ දරුවන් අතින් කොස් පැළ 50 ක් පමණ රෝපණය කළ අතර මෙසේ රෝපණය කරන ලද කොස් පැළ දරුවන් විසින් ම රැක බලා ගනු ලබන අතර එහි ප්‍රගතිය ළමා හිමිකම් නිලධාරීන් විසින් නිරන්තර අධීක්ෂණය කිරීමේ වැඩසටහනක් ද ක්‍රියාත්මක වේ
ඔක්තෝම්බර් 01දිනට යෙදුණු ලෝක ළමා දිනය වෙනුවෙන් ළමා සංවර්ධන රාජ්‍ය අමාත්‍යාංශයේ උපදෙස් මත දරුවන් අතින් කොස් පැළ ලක්ෂයක් සිටුවීමේ ජාතික වැඩසටහන යටතේ අත්තනගල්ල ප්‍රාදේශීය ලේකම් කාර්යාලයේත්, අත්තනගල්ල ප්‍රාදේශීය ලේකම් කාර්යාලයේ ලියාපදිංචි ළමා සමාජවල දරුවන්ගේ නිවෙස්වලත් කොස් පැළ 50ක් පමණ රෝපණය කිරීම සිදු වූ අතර අනාගත ආහාර සුරක්ෂිතතාවය වෙනුවෙන් ආහාර බෝග වගාවට දරුවන් හුරු කිරීම හා ගස් වැල්වලට ආදරය කරන දරු පරපුරක් බිහි කිරීම එම වැඩසටහනේ අරමුණ යි.
මෙසේ රෝපණය කළ කොස් පැළ රැක බලා ගැනීම හා සාත්තු කිරීම ද දරුවන් අතින් සිදු වන අතර විශේෂ කාඩ්පතක් මඟින් එහි ප්‍රගතිය අධීක්ෂණය කෙරේ.
මෙයට අමතරව ඔක්තෝම්බර් 01 දිනට යෙදුණු ලෝක වැඩිහිටි දිනය වෙනුවෙන් වැඩිහිටි ප්‍රජාව සමඟ අත්තනගලු ඔයේ ජල පෝෂක ප්‍රදේශ ආශ්‍රිතව කුඹුක් පැළ හා මී පැළ රෝපණය කිරීම ද අත්තනගල්ල ප්‍රාදේශීය ලේකම් කාර්යාලයේ මූලිකත්වයෙන් මහා සංඝරත්නයේ හා මහජන නියෝජිතයන්ගේ සහභාගිත්වයෙන් එදින සිදු කළ අතර ඒ සඳහා අවශ්‍ය කුඹුක් හා මී පැළ බස්නාහිර පළාත් ඉඩම් කොමසාරිස් දෙපාර්තමේන්තුවට විසින් ලබා දෙන ලදී. ජල පෝෂක ප්‍රදේශ සුරක්ෂිත කිරීම එහි අරමුණ විය.
මෙම කුඹුක් පැළ හා මී පැළවල වර්ධනය හා ප්‍රගතිය පිළිබඳව ද ත්‍රෛමාසිකව අධීක්ෂණය කිරීමේ වැඩසටහනක් ක්‍රියාත්මක වනු ඇත.
ලෝක ළමා හා වැඩිහිටි දිනයන් නිමිත්තෙන් මෙම වැඩසටහන් සංවිධානය කරන ලද ළමා හිමිකම් ප්‍රවර්ධන නිලධාරී චින්තා රමණි මිය හා ළමා හිමිකම් නිලධාරී එස්. කරුණාරත්න මහතා ඇතුලු සහාය දුන් සියලු ක්ෂේත්‍ර නිලධාරීන්ටත්, ඉඩම් නිලධාරී චන්ද්‍රමාලි මහත්මියටත් අලවල,අලවල දකුණ, ඇතාඋඩකන්ද, යටවක හා බෝපාගම යන වසම්වල ග්‍රාම නිලධාරීන්, ආර්ථික සංවර්ධන නිලධාරීන් හා සමෘද්ධි සංවර්ධන නිලධාරීන්ටත් ප්‍රාදේශීය ලේකම් කාර්යාලයේ අභ්‍යාසලාභී කෘෂිකර්ම උපාධිධාරීන්ට හා ශ්‍රමය ලබා දුන් බහුකාර්ය කාර්ය සහායකයන්ට අත්තනගල්ල ප්‍රාදේශීය ලේකම්තුමා ඇතුලු කාර්ය මණ්ඩලයේ විශේෂ ස්තුතිය හිමි වේ !!
ජංගම එන්නත්කරණය... ඔබේ නිවසේ/පවුලේ ජංගම එන්නත්කරණය අවශ්‍ය ආබාධිත/වයෝවෘද්ධ සාමාජිකයන් සිටී නම් ග්‍රාම නිලධාරී, ආර්ථික සංවර්ධන නිලධාරී, සමෘද්ධි සංවර්ධන නිලධාරී හෝ කෘපනිස නිලධාරී හරහා PHI මහතා දැනුවත් කරන්න
News & Events
Other Divisional Secretariat Divisions
Main Menu
Reach Us
Colombo Divisional Secretariat
Colmbo,
Sri Lanka.
+94 332 222 235
info[at]colombo.ds.gov.lk